ନୂଆଦିଲ୍ଲୀ ( ଆମ ଭାରତ ) ୨୪ ।୩ : କରୋନା ଭାଇରସ ପ୍ରସଙ୍ଗରେ ଦେଶବାସୀଙ୍କୁ ଦ୍ୱିତୀୟ ଥର ପାଇଁ ସମ୍ବୋଧନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଜନତା କର୍ଫ୍ୟୁ ପାଳନ ପାଇଁ ଦେଶବାସୀଙ୍କ ଧନ୍ୟବାଦ ଜଣାଇବା ସହ କରୋନାକୁ ହରାଇବା ପାଇଁ ସେ ଆହ୍ୱାନ ଦେଇଛନ୍ତି । ସେ କହିଛନ୍ତି ଯେ, ଆଜି ରାତି ୧୨ଟାରୁ ସାରା ଭାରତ ଲକ୍-ଡାଉନ୍ ହେବ । ଜନତା କର୍ଫ୍ୟୁଠାରୁ ବି ଏହା ଅଧିକ କଡାକଡି ହେବ । ଦେଶରେ ଏହି ଲକ୍-ଡାଉନ୍ ୨୧ ଦିନ ପର୍ଯ୍ୟନ୍ତ ରହିବ ।
ଏହା ସହ ମୋଦୀ କହିଛନ୍ତି ଯେ, ୨୧ ଦିନ ପର୍ଯ୍ୟନ୍ତ ନିଜକୁ ନସମ୍ଭାଳିଲେ ଆମେ ୨୧ ବର୍ଷ ପଛକୁ ଚାଲିଯିବା ।
ଆଜିର ଘୋଷଣା ଆପଣଙ୍କ ପାଇଁ ଲକ୍ଷ୍ମଣରେଖା । ଲକ୍-ଡାଉନ୍ ସମୟରେ ଘରୁ ବାହାରକୁ ବାହାରିବା ଉପରେ ପ୍ରତିବନ୍ଧକ ଲଗାଯାଇଛି । ଆପଣମାନେ ଯେଉଁଠି ଅଛନ୍ତି, ସେଇଠି ରୁହନ୍ତୁ । କରୋନା ବ୍ୟାପିଲେ ଏହାକୁ ରୋକିବା ଅସମ୍ଭବ ହେବ । ଦେଶର ପ୍ରତ୍ୟେକ ନାଗରିକଙ୍କୁ ଜୀବିତ ରଖିବା ଆମର ଲକ୍ଷ୍ୟ । କ-ରୋ-ନା ଅର୍ଥାତ୍ କେହି ରାସ୍ତାକୁ ନ ବାହାରନ୍ତୁ । ଜୀବନ ଅଛି ତ ସବୁ କିଛି ଅଛି । ଆପଣଙ୍କ ଧର୍ଯ୍ୟ ଓ ଅନୁଶାସନର ସମୟ ଆସି ଉପନୀତ ହୋଇଛି । ୨୧ ଦିନ ପର୍ଯ୍ୟନ୍ତ ଆପଣଙ୍କ ଜୀବନ ଓ ପରିବାରକୁ ରକ୍ଷା କରିବା ପାଇଁ ଘରୁ ବହାରନ୍ତୁ ନାହିଁ । କାରଣ କରୋନା ସହ ଲଢିବା ପାଇଁ ଏହି ଏକ ରାସ୍ତା ଆମ ପାଖରେ ଅଛି ।’
ଆଜି ମଧ୍ୟ ରାତ୍ରିରୁ ୨୧ ଦିନ ପାଇଁ ସାରା ଦେଶ ହେବ ଲକ୍ ଡାଉନ୍: ପ୍ରଧାନମନ୍ତ୍ରୀ
ସବୁ ଭାରତୀୟ ଏକଜୁଟ ହୋଇ କୋରୋନାର ମୁକାବିଲା କରିବା ଉଚିତ । ଜନତା କର୍ଫ୍ୟକୁ ସଫଳ କରିଥିବାରୁ କୃତଜ୍ଞତା ଜଣାଇଲେ ମୋଦି । ସାମାଜିକ ଦୂରତ୍ବ ହିଁ କୋରୋନାରୁ ରକ୍ଷା ପାଇବାର ଏକମାତ୍ର ଉପାୟ
ଦେଶ ଉଦ୍ଦେଶ୍ୟରେ ପ୍ରଧାନମନ୍ତ୍ରୀଙ୍କ ଉଦ୍ବୋଧନ
ଆଜି ମଧ୍ୟ ରାତ୍ରିରୁ ୨୧ ଦିନ ପାଇଁ ସାରା ଦେଶ ହେବ ଲକ୍ ଡାଉନ୍
କୋରୋନାର ଅର୍ଥ- କୋଇ ରୋଡ୍ ପର ନ ନିକ୍ଲେ
କରୋନା ମୁକାବିଲା ପାଇଁ ୧୫ ହଜାର କୋଟି ଟଙ୍କାର ପ୍ୟାକେଜ୍ ଘୋଷଣା
ଜଣେ ସଂକ୍ରମିତ ବ୍ୟକ୍ତି ୧୦ ଦିନରେ ଶହଶହ ଲୋକଙ୍କୁ ସଂକ୍ରମିତ କରିପାରେ । ପ୍ରଥମ ଲକ୍ଷେ କୋରୋନା ରୋଗୀ ହେବାକୁ ୬୭ ଦିନ ଲାଗିଥିଲା । କିନ୍ତୁ ୨ ଲକ୍ଷ ହେବାକୁ ଆଉ ମାତ୍ର ୧୧ ଦିନ ନେଇଥିଲା । ୩ ଲକ୍ଷ ରୋଗୀ ହେବାକୁ ଆଉ ମାତ୍ର ୪ ଦିନ ସମୟ ନେଇଥିଲା କୋରୋନା ।
ଆବଶ୍ୟକ ହେଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ସ୍ଥାନୀୟ ପ୍ରଶାସନ ।
କିଛି ବି ହୋଇଯାଉ, ଆମେ ଘରୁ ବାହାରିବା ନାହିଁ, ଲକ୍ଡାଉନ୍ର ଲକ୍ଷ୍ମଣ ରେଖା କେବେ ବି ଡେଇଁବା ନାହିଁ ।
ଦେଶର ପ୍ରଧାନମନ୍ତ୍ରୀ ପାଇଁ ବି ସାମାଜିକ ଦୂରତ୍ବ ହିଁ ଏକମାତ୍ର ଉପାୟ । ରାଜ୍ୟଗୁଡ଼ିକ ଦ୍ବାରା ଜାରି ହୋଇଥିବା ଲକ୍ଡାଉନ୍ ଅତି ଗୁରୁତ୍ବପୂର୍ଣ୍ଣ ।
ସବୁ ଭାରତୀୟ ଏକଜୁଟ ହୋଇ କୋରୋନାର ମୁକାବିଲା କରିବା ଉଚିତ । ଜନତା କର୍ଫ୍ୟକୁ ସଫଳ କରିଥିବାରୁ କୃତଜ୍ଞତା ଜଣାଇଲେ ମୋଦି ।
