ପୁରୀ ( ଆମ ଭାରତ ) ୨/୧୨ : ଜଣେ ଯୁବତୀଙ୍କୁ କାରରେ ଟେକିନେଇ ଗଣ ଦୁଷ୍କର୍ମ ହୋଇଥିବା ଅଭିଯୋଗ ହେବା ପରେ ପୁଲିସ ତଦନ୍ତ ଆରମ୍ଭ କରିଛି। ଘଟଣାରେ ଜଣେ ପୁଲିସ କର୍ମଚାରୀ ସମ୍ପୃକ୍ତ ଥିବା କଥା ଉଠିବା ପରେ ପୁରୀ ଏସ୍ପି ଏହି ଘଟଣାକୁ ଗୁରୁତର ସହ ନେଇଛନ୍ତି।
ସମ୍ପୃକ୍ତ ପୁଲିସ କର୍ମଚାରୀଙ୍କୁ ଅଟକ ରଖାଯାଇଛି। ପୁରୀ କୁମ୍ଭାରପଡ଼ା ଥାନାରେ ସମ୍ପୃକ୍ତ କନଷ୍ଟେବଳ ଜିତେନ୍ଦ୍ର ସେଠୀଙ୍କୁ ଆଣି ପଚରଉଚରା କରାଯାଉଛି।ଜିତେନ୍ଦ୍ର ସେଠୀ ନାମରେ ଆଗରୁ ବହୁତ ଥାନାରେ ମାମଲା ରହିଛି।ମୋ ଘର କାକଟପୁରକୁ ଯାଉଥିଲି। ନିମାପଡ଼ାରେ ହୋଟେଲରେ ଖାଇବା ବେଳେ ବସ୍ ଫେଲ ହୋଇଥିଲି। ବସ୍ଷ୍ଟାଣ୍ଡରେ ଅପେକ୍ଷା କରିଥିବା ବେଳେ ଏକ କାର ମୋ ପାଖକୁ ଆସିଥିଲା।କାରରେ ଜଣେ ପୁଲିସ ପରିଚୟ ଦେଇ ଘରେ ଛାଡ଼ିଦେବାକୁ କହିଥିଲେ। ମୁଁ ମନା କରିବାରୁ ୪ ଜଣ ଜବରଦସ୍ତ କାରରେ ଉଠାଇ ନେଇଥିଲେ। ପୁରୀରେ ନେଇ ଗୋଟିଏ କ୍ୱାର୍ଟର୍ସରେ ଦୁଷ୍କର୍ମ କରିଥିଲେ। ୨ ଜଣ ଦୁଷ୍କର୍ମ କରିଥିଲେ, ଅନ୍ୟ ୨ ଜଣ ବାହାରୁ କବାଟ ଦେଇଥିଲେ। ପୁରୀ ଝାଡ଼େଶ୍ୱରୀ କ୍ଲବ୍ ନିକଟ କ୍ୱାର୍ଟର୍ସରେ ଏହି ଘଟଣା ଘଟିଥିବା ଖବର ଆସିଛି। ତେବେ ଘଟଣା ସମୟରେ ଜଣଙ୍କ ପର୍ସକୁ ଅକ୍ତିୟାର କରି ନେଇଥିଲେ ଯୁବତୀ। ପର୍ସରୁ ଜିତେନ୍ଦ୍ର ସେଠୀ ନାମକ ଜଣେ କନଷ୍ଟେବଲଙ୍କର ଆଇକାର୍ଡ ଓ ଆଧାରକାର୍ଡ଼ ମିଳିଥିବା ସୂଚନା ମିଳିଛି।SPଙ୍କୁ ଦୁଷ୍କର୍ମ ସମୟର ଭିଡିଓ କ୍ଲିପ୍ ଦେଲେ ପୀଡ଼ିତା, ପୀଡ଼ିତାଙ୍କୁ ଡାକ୍ତରୀମାଇନା ପାଇଁ ପଠାଇଲା ପୋଲିସ । ୪ ଜଣଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।କୁମ୍ଭାରପଡ଼ା ଥାନା ଘେରିଲେ ଉତ୍ତ୍ୟକ୍ତ ଲୋକେ, ଘଟଣାସ୍ଥଳରେ ୨ ପ୍ଲାଟୁନ ପୋଲିସ ମୁତୟନ ।
