ଭୁବନେଶ୍ୱର (ଆମଭାରତ ) ୧/୧୨ : ସାରା ରାଜ୍ୟରେ ଆଜିଠାରୁ ଟ୍ରାଫିକ ନିୟମକୁ କଡ଼ାକଡ଼ି ଭାବେ କାର୍ଯ୍ୟକାରୀ କରାଯାଇଛି । ରାଜଧାନୀ ଭୁବନେଶ୍ୱର ରୂପାଲି ଛକରୁ ଆରମ୍ଭ ହେଲା କ୍ୟାମେରା ଚାଲାଣ । କ୍ୟାମେରା ମାଧ୍ୟମରେ ୪ଜଣଙ୍କର ଚାଲାଣ କଟିଛି । ଖିଲାପକାରୀଙ୍କଠାରୁ ଜୋରିମାନା ଆଦାୟ ହୋଇଛି । ଏଣିକି ପୋଲିସ ନଥିଲେ ଆଇନ ଉଲ୍ଲଙ୍ଘନକାରୀଙ୍କୁ ସିସିଟିଭି ମାଧ୍ୟମରେ ଧରାଯାଉଛି । ପରେ ଡାକରେ ଇ-ଚାଲାଣ ଘରକୁ ପଠାଯିବ । ଯଦି ଉଲ୍ଲଙ୍ଘନକାରୀ ଜୋରିମାନା ପୈଠରେ ବିଳମ୍ବ କରିବ ତେବେ ସେ ସୁଧ ମଧ୍ୟ ଗଣିବେ ବୋଲି ସୂଚନା ମିଳିଛି 
.
ସୁନ୍ଦରଗଡ଼ରେ ମଧ୍ୟ ଟ୍ରାଫିକ ଚେକିଂ ଆରମ୍ଭ ହୋଇଯାଇଛି । ୩ମଦୁଆ ଡ୍ରାଇଭରଙ୍କୁ ପୋଲିସ ଆଜି ଗିରଫ କରିଛି । ପିକ୍ଅପ ଡ୍ରାଇଭର, ଅଟୋ ଓ ଟ୍ରକ ଡ୍ରାଇଭର ଗିରଫ ହୋଇଥିବା ସୂଚନା ମିଳିଛି । ସୁନ୍ଦରଗଡ଼ ବିଜୁ ଏକ୍ସପ୍ରେସ ୱେର ଫଗୁଆପଡ଼ାରେ ଚେକିଂ ଚାଲିଛି ।
