ଆମଭାରତ ( ଭୁବନେଶ୍ବର ) ୩୦|୪: ଓୟୁଏଟିରେ ରାଗିଂ ଅଭିଯୋଗ ହୋଇଛି । ଯୁକ୍ତ ୩ ପ୍ରଥମ ବର୍ଷ ଏଗ୍ରିକଲଚରର ଦୁଇ ଜଣ ଛାତ୍ରଙ୍କୁ ରାଗିଂ ସହ ମାଡ ମରାଯାଇଥିବା ଅଭିଯୋଗ ହୋଇଛି । ସିନିୟର ଛାତ୍ରମାନେ ସେମାନଙ୍କୁ ମାଡ ମାରିଥିବା ନେଇ ଅଭିଯୋଗ କରିଛନ୍ତି ଦୁଇ ଛାତ୍ର । ଏ ନେଇ ସିରିପୁର ଥାନାରେ ଛାତ୍ର ଦୁଇ ଜଣ ଅଭିଯୋଗ କରିଛନ୍ତି । 
ଛାତ୍ର ଦୁଇ ଜଣଙ୍କ ଦେହରେ କ୍ଷତ ଚିହ୍ନ ମଧ୍ୟ ରହିଛି । ସାର୍ଟ, ପ୍ୟାଣ୍ଟ ମଧ୍ୟ ଚିରିଯାଇଥିବା ଜଣାପଡିଛି ।ଛାତ୍ରମାନଙ୍କ କହିବା ଅନୁସାରେ ଗତକାଲି ସନ୍ଧ୍ୟାବେଳେ ସେମାନଙ୍କୁ ରାଗିଂ କରିବା ପାଇଁ ସିନିୟର ଛାତ୍ରମାନେ ତାଙ୍କୁ ବସ୍ ଉଠ୍ କରାଇଥିଲେ । ମାତ୍ର ଛାତ୍ର ଦୁଇ ଜଣ ସେମାନଙ୍କ କଥାରେ ରାଜି ନହେବାରୁ ସିନିୟର ଛାତ୍ରମାନେ ତାଙ୍କୁ ମରଣାନ୍ତକ ଆକ୍ରମଣ କରିଛନ୍ତି ବୋଲି ସେମାନେ ଅଭିଯୋଗ କରିଛନ୍ତି ।
ଅଭିଯୋଗ ଭିତ୍ତିକରି ପୋଲିସ ତଦନ୍ତ ଆରମ୍ଭ କରିଛି । ଓୟୁଏଟିର ଭିସିଙ୍କ ସହ ପୋଲିସ ମଧ୍ୟ ଯୋଗାଯୋଗ କରିଛି । ଆଇଆଇସି ମଧ୍ୟ ଘଟଣାକୁ ଗୁରୁତର ସହ ନେଇ ତଦନ୍ତ କରିବେ ବୋଲି ସୂଚନା ମିଳିଛି ।
